Monday, January 19, 2009

ကြုံရ ဆုံရ..........

ဒီပိုစ့်ကို ဖတ်ပြီးပြောစရာရှိလာခဲ့ရင် နာနာသာပြောခဲ့၊ဆိုခဲ့ကြပါ..။ဒီလူ စိတ်မထားတတ်သေးဘူး။

ကျမနဲ့ မောင်ရှင်းသန့် နဲ့ လက်ဘက်ရည်အတူတူသောက်မယ်ဆိုပြီး ချိန်းလိုက်ကြတယ်။သူလာရမယ့် နေရာက နဲနဲဝေးတယ်ဆိုတော့ "ကဲ နင်အရင် အွန်လိုင်းကထွက်လိုက်၊ငါ အဲ့ဒိဆိုင်ကို ဆယ်ငါးမိနစ်အတွင်းရောက်မယ်"လို့ အတိအကျကြီးပြောခဲ့မိတယ်။အဲ့ဒိအချိန်က ညနေ ၅ နာရီပါ။

ကျမက စိတ်မြန်တယ်။စိတ်လဲ ပူတတ်တယ်။ပြောထားရင် ပြောထားတဲ့အချိန်ရောက်မှ၊ကိုယ်လဲ အဲ့ဒိအချိန်
ရောက်အောင် မဖြစ်ဖြစ်တဲ့နည်းနဲ့ကြိုးစားပြီး သွားလေ့ရှိတယ်။ချိန်းထားတဲ့သူက ပြောထားတဲ့အချိန်မှာ မရောက်လာရင် ပထမဆုံးအနေနဲ့ စိတ်တိုတယ်။နောက်တော့ စိတ်ပူတယ်။ကိုယ့်အသက်တောင်ကိုယ်မပိုင်ပဲ လမ်းပေါ်လျှောက်နေရတာမှန်း ဘ၀တူတွေချင်းမို့သိတယ်။နောက်ပြီး ကိုယ့်ဘက်က နဲနဲလေးနောက်ကျသွားရင်
လဲ ငါ့ပဲ မစောင့်နိုင်လို့ပြန်သွားတာလားလို့ စိတ်ပူအားနာတယ်။ဒါကြောင့်မို့ အမြဲတမ်းလိုလို ကိုယ့်ဘက်ကနေ
အလိုမရှိအောင် လုပ်ပါတယ်။ခုလဲ ကျမသွားရမယ့်အချိန်ကို ကျမဘာသာတွက်ပြီး ထွက်သွားလိုက်ပါတယ်။
လမ်းမှာ အပိတ်အဆို့ခံရပါတယ်။ဒီလိုကြုံခဲ့ရတယ်။


ချိန်းထားတဲ့ လက်ဘက်ရည်ဆိုင်ရှိတဲ့လမ်းမနဲ့ အနီးဆုံးလမ်းပေါ်ကိုရောက်ဖို့ ကြားဖြတ်လမ်းလေးကနေ ကျမသွားတယ်။ဖြစ်ချင်တော့ အဲ့ဒိဖြတ်လမ်းရဲ့ ဟိုဘက်က တစ်ဖက်ပိတ်လမ်းတစ်ခုမှာ တရားပွဲတစ်ခုကျင်းပနေ
တယ်။ဘုန်းကြီးတရားမဟောသေးပါဘူး။တရားပွဲအတွက် ညနေစောင်းထဲက ပြင်ဆင်နေကြ ပုံကျပါတယ်။ ကြားဖြတ်လမ်းလေးကို ၀ါးလုံး ၂လုံးဆက်ပြီး ပိတ်ထားပါတယ်။ထုံးစံအတိုင်း ပွဲလမ်းသဘင်တိုင်း တွေ့ရတတ်တဲ့ ပုဂ္ဂိုလ်များရှိတယ်ပေါ့။ကျမရှေ့က အစ်မကြီးတစ်ယောက်နဲ့ သူတို့အခြေအတင်ဖြစ်နေကြတယ်။
အစ်မကြီးက နောက်ဆုံးကျတော့ ဟုတ်တယ် အဲ့ဒိတရားပွဲကိုသွားမလို့ပဲ ဆိုပြီးခပ်တည်တည်နဲ့ပဲ ဖြတ်သွားတယ်။
ကဲ လာပါပြီ ကျမအလှည့်...။"သွားလို့မရဘူး" တဲ့ တစ်ခွန်းထဲပဲပြောပါတယ်။ပေစုတ်စုတ်နဲ့ မို့လို့သိပ်လဲ
အဖက်မလုပ်ချင်ဘူး ထင်ပါတယ်။ကျမကလဲလွယ်လွယ်နဲ့ တစ်ခုခုကိုလက်မခံတတ်တော့အခက်သားလားနော်။
"ဘာဖြစ်လို့လဲ" လို့ ခပ်ထေ့ထေ့ပဲမေးလိုက်တယ်။"တရားပွဲရှိတယ်"တဲ့။"တရားပွဲက မစရသေးဘူးမဟုတ်လား။
မနေ့ကလဲ ကျမသွားပြီးပြီ "လို့ ပြောလိုက်ပါတယ်။အဲ့ဒိနေ့တုန်းက ကျမဖိနပ်ကိုချွတ်ပြီး ကိုင်ပြီးမှ သွားတာပါ။

"မရဘူးဗျာ...။ခင်ဗျားလဲ ဗုဒ္ဓဘာသာ မြန်မာလူမျိုးပဲဗျာ..ဒီလောက်နားဝေးမယ် မထင်ပါဘူး" ဟောကွယ်...။
မရင့်ဘူးလား။"အိုကေ အိုကေ ဖြစ်တယ် ဖြစ်တယ်..ဒါမဲ့ မင်းအဲ့ဒိလောက်ထိတော့ စကားလုံးအကြီးကြီးတွေ
သုံးဖို့မလိုဘူးထင်တယ် " လို့ ကျမပြန်ပြောခဲ့ပါတယ်။(ကျမ အဲ့လိုပြောလိုက်တဲ့ အချိန်မှာပဲ သူ့ခပ်လှမ်းလှမ်းက အဖြူဝတ် ဆရာသမားများက လူငယ်မို့လို့ပြောနေတာဟေ့...လို့ မကြားတကြားပြောတယ်)အဲ့ဒိစကားက ပိုရင့်သီးလှတယ်လို့ ကျမထင်တယ်။ကျမကို ပြောတဲ့ သူလဲ လူငယ်ပါပဲ...။ကျမထက် ငယ်လှနဲနဲပေါ့..။ခုခေတ်မှာ အဲ့ဒါမျိုးတွေ သိပ်ပေါလှောနေတာတွေ့ရပါတယ်။

လူငယ်တွေဟာ သူတို့ကောင်းမယ်ထင်တာ၊အသစ်ဖြစ်မယ်ထင်တာတွေကိုတစုးတစိုက်လုပ်ကြပါတယ်။ပြောချင်
တာကိုပြောချင်သလိုပြောရဲတဲ့သတ္တိလဲရှိကြပါတယ်။ဒါမဲ့လူငယ်အချင်းချင်းရိုင်းပင်းကူညီမှု၊နားလည်ပေးမှု၊
လူငယ်အခွင့်အရေးအပေါ် တန်ဖိုးထားမှု၊တောင်းဆိုတတ်မှု၊ကိုယ့်ကိုယ်ကို အထူးသဖြင့် ကိုယ့်အခွင့်အရေးကို
တန်ဖိုးထားမှုအပေါ်မှာတော့ လိုအပ်နေတုန်းပဲလို့ ကျမထင်တယ်။လူအချင်းချင်း ရိုင်းပင်းကူညီတဲ့စိတ်မှ မရှိပဲနဲ့ အင်္ကျီဖြူလေးတကားကားနဲ့လုပ်နေလဲ .............။
ကဲ မပြောတော့ဘူးဗျာ...ပြောနေ ရှည်တယ်။နောက် အဖြစ်အပျက်တစ်ခုလေး ဆက်ချင်သေးတယ်။

ပြီးခဲ့တဲ့ သုံးရက်တုန်းက ကျမမြောက်ဥက္ကလာဘက်ရောက်တယ်။မယ်လမု ဘုရားပွဲကြီးက စည်လိုက်တာ။
၂ ဈေးနားက စလို့ မယ်လမုဘုရားနားထိ ပွဲဈေးတန်းကြီးမှ ဟီးလေးဟိုလေးကိုထလို့ပဲ....။ ပျော်စရာကောင်း မယ့်ပုံပါ။ပွဲဈေးသည်တွေ၊ဆိုင်ခန်းတွေ ချောက်ကပ်နေတာကလွဲရင်ပေ့ါ။
ဘုရားပွဲလှည့်တာလဲကြည့်ခဲ့ရသေးတယ်။ ထော်လာဂျီကို နောက်ဖက်က ကိုယ်ထည်ဖြုတ်ထားတဲ့
ယာဉ်ရှေ့မှာ မြတ်စွာဘုရားပန်းချီကားနဲ့....။အပေါ်မှာ ဘယ်ညာ Sound Box ဆယ့်နှစ်လုံးစီနဲ့။သားစိုးရဲ့ အရောနဲ့...။မျက်ထောက်နီ၊ရေစိုတဲ့ လူငယ်တွေနဲ့...။အဲ့ဒါ တခြားမဟုတ်။
ဘုရားလှည့်လည် အပူဇော်ခံတာ...........။

နှစ်ကျိတ်ရှစ်ဆူ ဘုရားပွဲတစ်ပွဲ စမ်းချောင်းဗဟိုလမ်းမ နားမှာ လုပ်နေတယ်။ကိုယ့်လမ်းကို ကိုယ်စားပြု စင်မြင့်ဖျော်ဖြေပွဲတွေနဲ့.။နေ့လည်ဘက်တုန်းကတော့ သိပ်ကိုအောင်မြင်နေတဲ့ ကျမဝေဖန်ခဲ့ဖူးတဲ့ ဟစ်ဟော့ပ်ပါရဲ့ သီချင်းသံကို ကြားရတယ်။ညဘက်ကျူရှင်ပြန်တော့ ကားအမိုးဖွင့်ပေါ်မှာ လှုပ်ခတ်နေတဲ့ ကောင်မလေးနှစ်ယောက်။အောက်က ကြည့်ရှုသူက ကြိတ်ကြိတ်တိုးစည်ကားသည်နဲ့.............။

ဆိုတော့ မနေ့ညကပဲ ကျမအရစ်ခံခဲ့ရတာလေးပြေးသတိရမိပြီး ဒီပိုစ့်လေးကို ရေးဖြစ်တယ်.......။
ပြောစရာရှိပြောခဲ့ကြနိုင်ပါသည်။

9 Responses to “ကြုံရ ဆုံရ..........”

Welcome said...

ပါဝါမျက်မှန် တပ်ထားတာတွေ့ရဲ့သားနဲ့
ဘာလို့ သယ်ချင်းကို (လူငယ်) လို့ ပြောရတာ ဘာလိမ့်၊ အတွေးပေါင်းများစွာနဲ့ ကြုံရ ဆုံရ ဘ၀တခဏတာ .. ..

အော် လူငယ် လူငယ်.. ခွိခွိ..

ဘုရားပွဲတွေက အဲ့လိုအကလေးတွေနဲ့မှ စည်ကားသလိုလို =) စိတ်လျှော့ နင်ကလည်း စိတ်ကြီးပဲ တစ်ယောက်တည်းမို့ပဲနော် မိုက်ဖော် မိုက်ဖက်များ ပါရင်တော့ 1/1 ဖိုက်မလားမသိ ဟဟားး ရှင်းသန့်နဲ့တွေ့တော့ ဘာတွေပြောကြလဲ နာသိတယ် ။ နင့်ကို အဲ့ကောင်လေးက အမှတ်ပြည့်ပေးလိုက်တယ်ကွ သိလား မမမေရာက အပြင်မှာ စကားပြောပိုကောင်းတဲ့ :P

Craton said...

အဲ.. ဆိုးပါ့နော်...။
သည်းခံအစ်မရေ.. အမြင်မတော်တာတွေကြောင့် သာသနာပျက်တော့မှာပဲ။ ဒုက္ခ။ သူတို့လည်း လူကြီးတွေကိုအားကျလို့ထင်ပါရဲ့။ စိတ်ညစ်စရာပါလား။
ပြုပြင်ပေးသင့်တယ်။ ဘိုလုပ်ကြမတုန်း မကြေးမုံ?

ဗုဒ္ဓသာသနာကို အဘက်ဘက်က၀ိုင်းဖျက်မယ့် ခေတ်ကိုများရောက်နေပြီလားမသိဘူး။

ဘယ်လိုတွေပါလိမ့်နော် အစိတ်လျော့ ငါးဆယ်လျော့
စတာအမရေ ကျနော်လဲ ကျောင်းကအပြန်နောက်ကျ
နေကလဲ မကောင်းတကောင်းဆိုတော့ ဘယ်မှ မလည်ဖြစ်ဘူးဗျ အမကတော့ ရေးနိုင်တယ်နော်

ဟင်း ...... လို့ပဲ သက်ပြင်းချချင်တော့ပါတယ် အမရယ်

ကေလာ said...

အော် .. လူငယ်တွေလား ...